ഒന്നാം തരത്തില്‍ പഠിക്കുന്ന കാലം
പ്രണയത്തിന് പക്വമല്ലാത്ത പ്രായം
കല്‍ പെന്‍സില്‍ എറിഞ്ഞു കൊടുത്തു
അവളുടെ ഇളം കൈകളിലേയ്ക്കു
ഇല്ല യാതൊന്നും പ്രണയം അശേഷം
ദൈവം തന്ന നിര്‍മ്മല സ്നേഹമല്ലാതെ
മൂന്ന് പതിറ്റാണ്ടുകള്‍ക്ക് ശേഷം
അവള്‍ ആത്മാഹുതി ചെയ്തെന്നു ശ്രവിച്ചപ്പോള്‍
തെരഞ്ഞു ഞാനെന്‍ മനസ്സിന്റെ താളുകളില്‍
എന്റെ വിതുമ്പലുകള്‍ക്ക് കാരണം
അകലെ ആകാശ നീലിമയില്‍ നിന്നും
എറിഞ്ഞു തരുമോ കല്‍ പെന്‍സില്‍ തിരികെ
ഇവിടെയില്ലാത്ത സ്നേഹം നിറച്ച
കടലാസ്സു പൊതിയില്‍
No comments:
Post a Comment